作者:尊尚沙龍
来源:http://sp1388.net/1255/.html

當今球壇巨星C朗拿度可能係世上最多人鍾意同時最多人唔鍾意嘅球星,全因佢十分有性格,「非C朗迷」往往會提起佢懷疑因為被隊友截糊入波而黑面呢啲事,想指出佢將個人榮譽凌駕於團隊嘅成功之上,但當中有啲並非事實嘅全部,如果你仲係覺得C朗目中無人、自私,就要睇埋佢今場嘅表現喇。

https://i.imgur.com/SiSJFaP.png?1

不經不覺已經33歲嘅「阿朗」,今季喺聯賽表現下滑,實屬正常現象,加上皇馬喺西甲亦都一樣表現低迷,令佢壓力倍增,皇馬已經踢咗25場西甲比賽,C朗上陣20場射入14球,落後美斯6球,喺往年呢個時候,C朗眼見入球數落後美斯,一定把握每個機會追上,但經常為皇馬主射12碼嘅佢,今場竟然讓出呢個機會,呢樣喺稍後會俾大家睇。呢個時候要先講講賓施馬。

https://i.imgur.com/shgmQtv.png
尊尚沙龍

法國前鋒賓施馬雖然年屆30大關,但佢已經因為「性愛影片」事件遠離國家隊,照計可以專心喺球會,但佢今季表現不濟,令到皇馬球迷大為不滿,特別係球隊放走第二次加盟嘅莫拉達,而留用賓施馬,佢由開季直至今場比賽之前,只係射入4個聯賽入球,令佢受盡批評,甚至俾己隊球迷噓,球迷呢種行為早前已經引起過C朗不滿。

https://i.imgur.com/uG92pAX.jpg
尊尚沙龍

喺西甲第25輪,皇馬主場對艾拉維斯,銀河艦隊最終以4-0大勝。喺比賽43分鐘,賓施馬禁區內後踭傳俾C朗抽入,先開紀錄。C朗隨即跑向角球旗位置,同時多次指向賓施馬,呼籲球迷為賓施馬鼓掌,答謝佢嘅美妙助攻。

https://i.imgur.com/krEuXRt.gif

https://i.imgur.com/nO5yzTU.gif

其後,皇馬策動反擊攻勢,賓施馬直線分俾加里夫巴爾,助佢單刀建功。C朗亦喺61分鐘射入個人第二球,皇馬領先至3-0。

https://i.imgur.com/S05BVW6.gif

戰至88分鐘,巴爾搏得12碼,C朗嘅帽子戲法雖然已經「叫糊」,但佢竟然將呢個機會交俾陷入低谷嘅賓施馬,相信換轉係佢年少氣盛之時,一定戴咗帽先講。呢球12碼由賓施馬一蹴而就,一吐污氣,C朗第一個上前同佢擁抱,加以鼓勵。

https://i.imgur.com/xLoIUGP.gif

結果,「BBC」組合人人有波入,而賓施馬更加收獲兩傳一射,信心應該返晒嚟。賽後,隊友華斯基斯表示,各位隊友都對賓施馬重拾狀態感到高興。睇到呢度,覺唔覺C朗幾有隊長風範呢?